President's Message

Sundar

చికాగో ఆంధ్ర సంఘం సభ్యులుకు, పరోపకార పరాయణులకు, శ్రేయోభిలాషులకు హేవిళంబి నామ సంవత్సర ఉగాది శుభాకాంక్షలు! పుట్టిన భూమికి దూరంగా ఉన్నాము కాని మన తోటి ఆంధ్రులకు , మహోన్నతమైన మన సంప్రదాయాలకు కాదు. "దేశమంటే మట్టి కాదోయ్ దేశమంటే మనుషులోయ్" అన్న గురజాడ వారి అక్షర సత్యాలు ఏ దేశానికైనా అతికినట్లు సరిపోతాయి. మనము ఈ నాడు ఈ ఉన్నత స్తితిలో వున్నందుకు ముందుగా మనకు జన్మనిచ్చిన తల్లితండ్రులకి కృతజ్ఞతలు తెలియచేసుకోవడంతో పాటు మన మాతృభూమికి కూడ మన ఋణం తీర్చుకోవలసిన అవసరం ఏంతో వుంది. ఈ ఇరవైఒకటో శతాబ్దములో కూడా మన ఆంద్ర ప్రదేశ్ లోని ఎన్నో గ్రామాల్లో ప్రజలు కనీస సౌకర్యాలు లేకుండా జీవనం సాగిస్తున్నారు. ఆ గడ్డ నుంచి వచ్చిన మనందరం మన వంతు సాయం చేసి వారి జీవన ప్రమాణం పెంపొందించడం నైతిక బాధ్యతగా స్వీకరించాలి . ఒక వ్యక్తిగా మనం ప్రతిఒక్కరము కొంత మాత్రమే చేయగలము కానీ ఒక సంస్థ గా చాలాచేయవచ్చు. "నేను సైతం" అన్నరీతిలో ప్రతి ఒక్కరు ముందుకు వచ్చి సమిష్టిగా మన ఆంద్ర ప్రదేశ్ అభివృద్ధిలో పాలు పంచుకోవాలి. ఆ సేవా భావంతో పాటు మన సంస్కృతిని ఇక్కడ మన పిల్లలకు భావి తరాలకు అందించాలనే ఆశయంతో స్తాపించిన సంస్తా సముదాయమే "చికాగో ఆంధ్ర సంఘం" మరియు "ఆంధ్ర ప్రదేశ్ దేవలేప్మెంటు ఫోరమ్ ఆఫ్ నార్త్ అమెరికా". మార్చ్ 19వ తేదీన జరిగినటువంటి మన సంస్థ ప్రారంభోత్సవ కార్యక్రమం లో మీరందించిన అభిమానానికి , సహకారానికి మేము సదా కృతజ్ఞులము. నన్ను ఈ సంస్థ తొలి అధ్యక్షుడిగా ఏకగ్రీవంగా ఎన్నుకున్న మా సహా వ్యవస్తాపకులు మరియు చికాగో ఆంధ్ర మిత్రులందరికీ ధన్యవాదాలు తెలియజేస్తున్నాను. ఈ చైతన్యంఇలాగే అప్రతిహతంగా కొనసాగుతూ చికాగో ఆంధ్ర ప్రజల అవసరాలు గమనించిసహాయపడుతూ, మన సంస్కృతి సంప్రదాయాలు కాపాడుతూ, మనకుఎంతో చేసిన మాతృభూమి లోని గ్రామాలకు చేతనయినంత సేవ చేస్తూ చికాగో ఆంధ్ర సంఘం ని ఉన్నత విలువలతోనడపడానికి అందరి అంచనాలు అందుకునేలా కష్టపడతాను అని వాగ్దానం చేస్తున్నాను.

భవధీయుడు
సుందర్ దిట్టకవి
Copyright © 2016, Chicago Andhra Association (CAA). All Rights Reserved.
Design & developed by arjunweb